香港歌手鄭芷淇（elka）由女子組合 Lolly Talk 轉以個人身份加盟獨立唱片公司 Trevi Music，今年展開跨年 solo 音樂企劃，成功集結黃偉文、周耀輝、林夕三位詞人的作品，最新歌曲《紙皮屋》MV 在 YouTube 上架一個月已錄得 42 萬次點擊。本月8日，elka 首個 solo 舞台《el_ka》音樂會，於香港兆基創意書院多媒體劇場順利上演，獲相當多關注。
首唱林夕壓軸新作
當晚，elka 除演繹即將推出專輯內已派台歌曲外，更首唱《block了》國語版《在心裡封鎖了你》，以及林夕為其 solo 企劃設身訂造的壓軸歌曲《不信邪》，並揀選多首代表其人生重要時段的廣東歌，貫穿整個以「成長」為主題的音樂會。
LT 姊妹台前助唱 全場哭成一片
最值得記載的是當晚最動人的橋段。Lolly Talk 六位成員曾美欣（MeiMei）、劉綺婷（Yanny）、黃詠霖（阿蛋）、陳紀澄（Tania）、黃敏蕎（阿妹）及郭曉妍（Ah Yo）皆到場，唯獨吳倩怡（Sinnie）因工作在身未能到場，已於前一晚致電祝賀。
elka 特意將 LT 的《靈魂奇異點》放入歌單，作為其成長歷程中的重要一頁。首次在台上獨唱至尾段，elka 終于忍不住淚下，台下六位 LT 昔日隊友見狀隨即大助唱，加上在場觀眾大合唱，場面十分感人。
完場後 elka 表示：「其實唱《最好的債》時，望到台下一班好姊妹已經想喊，但忍住咗，之後唱到《靈魂奇異點》，見到啲fans開始拎紙巾出嚟，我真係忍唔住，我係一個見到人喊，就會跟住一齊喊嘅人，好多謝LT姊妹到場支持，Sinnie因為有工作，如果佢都喺度就真係全員合體100分！」
單親家庭長大的 ela 父親缺席
elka 在單親家庭長大，自小隨父親生活，父女曾因她入行關係一度緊張，父親態度其後漸趨軟化。elka 一直希望父親能親臨現場觀看演出，惟今次未能如願。
elka 説：「今次用咗85%力拉佢出門口，最近籌備音樂會，冇乜時間返屋企陪佢，今次就唔逼佢啦，但我唔會氣餒，留返下次搞個大場先叫佢嚟啦，我準備好㗎喇！」
成長經歷比獎項重要
對於即將舉行的樂壇頒獎典禮，elka 表示：「我不嬲唔係好識欣賞自己，但今年做咗好多令自己好proud of嘅事，包括跳笨豬jump、出咗四首歌、開咗騷，這些對我嚟講都係越級挑戰，我覺得成長經歷比獎項更重要，今年得到咁多學習機會，我已經好感恩。」
由女子組合轉投個人發展，elka 呢一輩子的越級挑戰，確實是一個值得被記錄的成長階段。
——小智
