旺角皆旺商業大廈樓上,有一間賣模型原材料及工具的老店,名為「富聯原料」。近日它發出公告,宣佈將於12月8日正式光榮結業,即日起全部貨品以七折起發售,並感謝顧客三十年來的支持。
富聯原料於1996年成立,至結業已營業約三十年,在模型工具行業中屬公認的「老店」。公告一出,大批模型迷在社交平台留言不捨,有人寫:「富聯真係一直陪住我咁多年砌模型。」更有其他模型店留言,尊稱富聯為「前輩」。
留言中最動人的,是一段對老闆的日常描寫。有網民指,富聯舖頭細細,貨品擺放整齊乾淨;每次踏入店內,老闆的開場白一定是「慢慢睇,要乜嘢出聲」。就算顧客什麼也不買,只為了欣賞店內知名本地模型玩家 Ray Ng 的傑作,老闆也不會露出「攪攪震無幫襯」的眼神。另一位網民則寫:「好耐無去,但我記得老闆好人,唔識用嘅工具,你問佢一定會答你。」
一句「慢慢睇,要乜嘢出聲」,是三十年的體貼,也是一種早已瀕危的待客之道。
富聯原料專營各國優質製模原材料及模型工具,應用涵蓋製模、產品玩具設計、手辦模型、工藝、DIY、特技化妝、藝術教室、學校、展覽會及電影等領域。
三十年的小店,不只是一間店,更是一段城市記憶。當旺角街市中的老店逐一結業,留下的空格,終究填不上。
—— 連線日報主編 志遠




