大埔宏福苑大火臨近年屆一週年，部分災民自事發後獲安置於房協位於天水圍洪水橋的樂翹樓單位。房協本月9日向住户發出通告，稱樂翹樓辦事處將聯同天水圍消防局，於11月26日下午2時30分行火警演習、同日3時行消防安全講座。惟11月26日正是宏福苑大火一週年，加上演習時間與當日起火時間相若，惹來居民強烈不滿。
災民批安排「傷口灑鹽」
有樂翹樓住户收到通告後於社交平台發文，質疑「點解要係我地傷口灑鹽😭😭咁多日唔安排，真係要係正日同一樣嘅時間？！重要明知呢度係大部分安置緊宏福苑居民嘅地方？！」
另有居民受訪批房協安排「完全冇啲同理心」，並直言事件勾起居民創傷經歷，形同二次傷害：「改邊日都可以，總之唔可以揀呢個日子，仲要揀下午2點半呢個起火時間，究竟咩事？係咪故意？」。
圖片：Samson Ng . D201@EAL／CC BY-SA 4.0／Wikimedia Commons
房協致歉改期
房協今（9日）晚於社交平台帖文下留言，就近期「火警演習及消防安全講座」通告提及11月26日之安排令住户感到不安，表示謹此致歉，並指會將有關活動改期、另作安排，稍後再向住户發出更新通告。
房協今年4月表示，共有570户宏福苑居民暫住於樂翹樓單位。大火一週年臨近，災民安置問題一直受關注，而房屋機構在安排日常活動時，應否更體恤受災居民的實際感受，亦值得業界審視。
—— 連線日報主編 志遠
