藝人莫文蔚（Karen）22日於中環出席品牌活動，接受傳媒訪問時，一併交代了兩個歌迷最關注的問題：新歌幾時出、香港演唱會幾時開。
新歌年底面世 自己埋頭填詞
她透露，自己正與樂隊The Masters埋頭製作新歌，以英文填詞為主，亦有一部分中文歌詞，料年底推出。她形容開始與樂隊合作後「有另一種體驗」，自己寫歌的過程雖然「有啲孤獨」，但與「幾個投契嘅朋友jam歌」相當愉快，因此「好快寫晒成張碟」。
放棄舊編排 重新入紙申請場地
對於原定於啟德體育園舉行、但已取消的香港演唱會，她表示不會將上次演出原封不動搬上舞台：「即係都唔會做番上一次嘅show，因為都隔咗一段時間，咁索性做新嘢。」她説出碟後會做新巡演，待新計劃成形後再重新入紙申請香港場地；對於會在何處舉行，她只説「睇下邊度批先，咁咪做邊度先」，一切看緣份。
她亦承認，上次未能成功開騷「當然有些失落」，但相信總有機會與歌迷見面。
中港兩邊走錄音
她透露近期錄音工作主要在香港與北京兩邊走，方便陪伴母親。她並稱現時留在香港「最安全」，也有時間陪母親。
德籍老公是初戀 明年相識40年
訪問中她透露，今年是與德籍老公Johannes的結婚15週年，明年兩人相識將達40年，並坦言對方是彼此的初戀（first love），「我哋就係彼此嘅first love」，稱這個緣分「好難得」。被問到會否大肆慶祝，她表示不需要特別擇日，「每日喺埋一齊已經係好值得慶祝」。
比卡超精靈訓練員。 — 小智
