張家輝昨日（14日）完成演唱會宣傳後，便起程到越南出席「第31屆亞洲電視大獎」（Asian Television Awards）。他除獲邀擔任頒獎嘉賓外，更憑劇集《絕命法官》擊敗張嘉益、白宇、山崎賢人、章宇等一眾實力派男星，成功奪得「最佳男主角」，成為視帝。他於獲獎時以英語致謝。
紅地毯：東南亞主持輪住握手
頒獎禮開始前，張家輝與《中年好聲音3》的參賽者王鄭浚仁一齊亮相紅地毯。他踏上紅地毯時，來自本地、泰國及菲律賓的三位司儀明顯表現興奮，三人輪流跟他握手；其間有司儀更直言欣賞他的作品，稱自己是他的fans。
台上：阮頌揚「Happy guy！亞視嚟嘅喂！」
走到台上另一端，與兩位主持傾偈時，來自香港的阮頌揚即時大叫：「Happy guy！亞視嚟嘅喂！真係亞視嚟㗎！亞洲電視大獎！」隨後張家輝向在場觀眾打招呼，並表示很高興來到越南同大家見面。
對話中，阮頌揚表示知道他由香港趕到，並就《絕命法官》今次有出色表現，問他日後會否再拍劇集。張家輝回答，有合適劇本便會拍。
女主持隨後問到他的演唱會，張家輝即席澄清：「嚴格來講唔係一個演唱會，係一個張家輝多元宇宙嘅騷。」阮頏揚再問到會否重現當年《激戰》時期的身形，他以笑答「比較難」。
末段，阮頏揚取出手机聲稱要跟女主持同他拍照，未料到卻哼起張家輝在電影中所唱的《眼睛想旅行》，並將原句改成了「我攞碌蕉掟人」，場面趣味十足。
