旺角上海街暗藏一間「隱世錶舖」。店主柯先生入行逾40年，憑父親傳授的技術，多年為街坊提供鐘錶維修。近年市道淡靜，生意額一度跌至接近零，這位老一輩匠人依然守在工作枱前，揚言會做到「睇唔到為止」。

父傳子承，旺角自立門户

柯先生自父親繼承鐘錶維修手藝，至香港回歸時開始在旺角自立門户。原檔口設於大牌檔旁，後為配合政府牌照規管搬遷至今址，並改為以姓氏命名的「柯記精工維修」。

他坦言近年市道「好靜」，沒有遊客光顧，生意額一度跌至接近零，目前僅靠一班相熟街坊客支持。每年仍需繳交約2,350元商業登記費，卻見不到有相應支持小商户的措施。

堅拒修贗品，真偽鑑定收200元

柯先生精通各類鐘錶維修，以勞力士最為拿手。當年他獲大型鐘錶店延攬，惟因待遇偏低，最終選擇自立門户。

他明言拒絕維修任何贗品，指市面假錶零件質素參差，維修後極易再次故障：「假勞嗰啲我哋唔整嘅，啲機件好差；你整完畀佢，行唔好佢又攞返嚟，又畀你又執，何必啫？」

他亦提供真偽鑑定服務，每次收費200元，主要透過觀察錶殼鐫刻數字、粗幼等細節辨別真偽。勞力士保養收費約2,000元，每次會將機芯拆解抹油，並拍照向客人交代。

後繼無人，手藝恐失傳

柯先生的工作枱上擺滿放大鏡、螺絲起子、鑷子、游標卡尺以及校錶機等專業器具。他強調技術不能只靠師傅傳授，真正的本事來自不斷拆解、觸摸實物的經驗。

他嘆現今年輕人多不願入行，早年有拜師者，往往學了一至兩個星期便不見蹤影：「我就唔明佢點解，我有心教佢，佢都冇心機嚟學嘅。」他認為維修手錶必須有「決定心」同「冇脾氣」。

對自己的技術，柯先生相當有信心，甚至揚言：「無咩難搞嘅錶！如果我自己整唔到呢......佢畀第二個師傅整得到呢，我都通街拜佢做師傅！」

面對行業式微與後繼無人的無奈，柯先生並未打算收手：「反正做到隻眼睇唔到為止...咁就唔做喇！」

這份對工藝的執著，正是香港老一輩匠人精神的寫照。

—— 連線日報主編 志遠