11月16日,社交平台Threads瘋傳一段尖沙咀街頭影片,顯示一名穿黑衣男子當街把女友逼到牆邊,出手掌摑及大力扯她頭髮。兩名片場途人即時上前制止,黑衣男反嗆「攞證據出嚟睇下啊!」,雙方當場口角。事後女方表示「算啦,由佢啦」,兩名途人最終離場。
黑衣男否認打人
據影片,黑衣男把女方多次拉扯頭髮,女方只瞪視對方而沒有反抗。兩名男子走近阻止時,穿灰衣男子質問黑衣男「你打條女喎,咩事啊?」,黑衣男否認並反問「你有無見到我打佢啊?」,隨後展示動作嗆稱「咁樣叫摑啊?」,挑釁他們「攞證據出嚟睇下啊!攞嚟吖!」
女事主發文稱「自願」
影片上傳Threads後迅速瘋傳,網民批評黑衣男涉嫌家暴,並讚揚兩名目擊者「見義勇為」。然而事後疑似女事主發文回應,強調事件係「自願」,稱「佢扯我頭髮係有控制力度,唔存在勁大力扯我頭髮嘅問題,我係個當事人,唔會有人比我更加清楚當時係點」。她亦批評「有時熱心過度就變加害者」,指自己已向目擊者要求刪除影片及離開現場未獲理會,並反問「post呢篇嘢嘅時候有冇諗過其實會毀咗我哋?」。
「自願」構成法律辯解?
根據香港法例第212章《侵害人身罪條例》第40條,「普通襲擊」可處監禁1年;第39條「襲擊致造成身體傷害」最高可處監禁3年。法律界普遍認為,即使受害人聲稱「同意」或「自願」,只要涉及實際身體傷害,普通法一般不承認以同意作為此等暴力嘅合法辯解。




