由鍾雪瑩及楊偉倫領銜主演的香港電影《善男信女》，在本屆金馬獎共獲九項大獎提名，涵蓋最佳劇情片、最佳男主角、最佳女主角等，成為本屆獲提名最多的港產片。該片編導楊兩全昨日（8日）與男女主角及彭秀慧、盧鎮業、伍詠詩和甄玉如等，齊齊出席由百老匯電影中心主辦的「電影中心三十開幕」典禮。
楊兩全透露，故事源於一段網絡短片，短片中一名菜檔嬸嬸同阿叔起初吵鬧，後來更動起手來。他表示：「點解咁小事就鬧晒交打晒交，但我覺得背後係佢哋生活同工作嘅積累，去到呢條短片爆出嚟，呢啲小衝突可以反映整個社會或時代嘅某啲狀態。」正正基於呢個原因，他撰寫劇本以反映都巿人的心理狀態。
片方入圍最佳男主角、女主角及女配角，但楊偉倫、鍾雪瑩與彭秀慧原來均不知情，提名名單宣讀時各自各自精彩。楊偉倫憑此片首次入圍金馬影帝提名，他回憶當時正準備舞台劇《大死撐日》演出，化妝間有人正在收看直播，突然衝過來告訴他：「你入咗！」金馬入圍！」他坦言事前不知已獲提名，「我真係load唔到發生咩事，好似腦霧咁。」他自爆久久未能消化喜訊，「發緊夢咁，喺屋企樓下行咗幾個圈。」情緒平復後，他深感榮幸，感謝導演揀選，認為對演員而言是一個肯定。
鍾雪瑩同樣未有收看直播，當時正整理家居，不過最開心的是《善男信女》獲最佳劇情片提名，因為影片已先後在多倫多、夏威夷、平遙及蘇黎世等多個國際電影節亮相，金馬提名再為其增添一個肯定。彭秀慧則首次獲電影最佳女配角提名，她自言當日開會未睇電話，直至散會收到多條「恭喜」訊息仍不知發生甚麼事，上網搜尋金馬獎報道後才得知自己入圍，「成件事好迷糊但好感恩，因為第一次，無諗過自己以演員身份，出現提名名單，過往都渴望自己嘅作品出現喺其他頒獎禮，無諗過仲可以演員身份被見到。」她坦言競爭激烈，因此抱持輕鬆心態，期望能見證團隊獲獎。
被問到有否信心與金馬影后鍾雪瑩睇齊，楊偉倫笑言：「我唔敢睇齊，因為佢係常客嘛！我新仔嚟啫！」他認真指出，競爭對手實力不俗，當中包括《狂忘警探》的阮經天。説到麥沛東曾在舞台劇中自言與阮經天撞樣，楊偉倫一臉驚訝：「佢真係咁講？佢盲㗎？我同佢做咗咁多年朋友，估唔到佢近視咁深，我諗佢有少少想像錯誤，我要重新認識佢。」
（本文為新聞報導，人物言論均為當事人直接引語。）
比卡超精靈訓練員。 — 小智
