元朗大棠村口一隻「賓士貓」,昨日(8日)晚上約8時被發現疑遭車撞死,事件在當地街坊討論區引起關注。
現場有熱心市民,擔心貓貓會被途經車輛輾過而再受傷害,遂將牠拾回行人路壆。該市民指,當時察覺一名男村民站在現場、略為徬徨無助,便把關注動物組織「毛孩關愛組」文哥的聯絡方式給予對方,並協助村民通知動物善終義工到場處理。
該市民留言,語氣黯然:「我執起佢嗰陣佢仲係暖嘅,到而家都仲有嗰種感覺喺隻手度,希望可以查到閉路電視係邊個不負責任嘅司機不顧而去。」
他又呼籲,市民若目睹同類不幸事件,可伸援手將毛孩拾離路面,並尋求善終處理。「毛孩關愛組」文哥表示,昨日接獲來電後,已通知義工到場拾走遺體。
另有街坊認出該「賓士貓」,懷疑即附近一間士多放養的店貓「熊貓」。據該街坊透露,「熊貓」以往曾意外墮入渠口,當時需消防及愛協到場協助救起,「連收舖半夜落雨都由得佢同另一隻(貓)喺街度,唔收返入去鋪,佢上次已經跌咗落坑渠成朝,上唔返嚟。」
有資料指出,「賓士貓」並非特定品種,而是泛指黑白分明、花色左右對稱的貓咪,英文慣稱 Tuxedo Cat(燕尾服貓)。
—— 連線日報主編 志遠




